Бүген "Болгар радиосы" продюсерлык үзәге хезмәткәрләре "Манзара" тапшыруында кунак булдылар.

Бүген "Болгар радиосы" продюсерлык үзәге хезмәткәрләре Ленар Кашафутдинов һәм Ләйлә Вәлиева "Татарстан-Яңа Гасыр" каналында баручы "Манзара" тапшыруында кунак булдылар. Алар продюсерлык үзәгенең эшчәнлеге һәм якынлашып килүче "Болгар радиосы" концерты турында сөйләделәр. Белгәнегезчә, “Болгар радиосы” продюсерлык үзәге татар эстрадасында үз урынын тапкан, тамашачысын булдырган популяр эстрада йолдызлары белән дә тыгыз элемтәдә тора, һәркемгә аерым игътибар, мөнәсәбәт. Үз стилен, образын булдыруда ярдәм итә. 


« Болгар радиосы» продюсерлык узәгенең төп эшчәнлеге:

• концертлар, шоу-программалар, дискәтүкләр, фестивальләр һәм башка социаль акцияләр оештыру;

• талантлы башкаручыларны татар эстрадасында таныту;

• концертлар төшерү;

• аудио һәм видео материалларны радио һәм ТВ эфирларында яңгырату;

• "Болгар радиосы" сәнгать советларын уздыру;

• Радио һәм Телевидение музыкаль сәясәтен формалаштыру;


"Болгар радиосы" продюсерлык үзәге артистлар белән арадашчылардан башка эшли, шуның нәтиҗәсендә түбән бәяләр белән аерылып тора;

Ә инде "Болгар радиосы" продюсерлык үзәге проектларының берсе булып рәсми теле-радио проект "Кайнар хит"санала. Шулай "Кайнар хит" тапшыруында катнашучы җырчыларны сез һәр ай саен уза торган "Болгар радиосы" концертларында да күрә аласыз. Исегезгә төшерәбез, 19нчы апрель көнне Филармония концертлар залында чираттагы тамаша! Билетлар сатуда. Килегез, без сезне көтәбез!