Зәмирә Рәҗапова: "Никах алдыннан икенче хатын барлыгын белдем"

Танылган алып баручы Зәмирә Рәҗәпова-Куприянова үзенең социаль челтәрләрдәге сәхифәсендә "18 яшьлек Зәмирәгә" киңәшләрен бирде. "18 яшьлек Зәмирәгә мин бер генә киңәш бирер идем: "башкаларның фикереннән курыкма!». Әгәр дә мин үз вакытында кешеләр нәрсә әйтер дип курыкмасам: - Мин театр юнәлешенә китәр идем, ләкин миңа синнән артист чыкмый дип әйттеләр; - Казанга мәктәптән соң ук китәр идем! Ләкин мин анда яши алмаячакмын дип ышандырдылар, - Никахны укытмас идем, чөнки никах алдыннан икенче хатыны барлыгын белдем; - 30 яшьтән соң кияүгә чыгар идем, ләкин мине карт кыз дип бөтен колакны чәйнәделәр (26 яшьтә кияүгә чыктым); - Музыкаль белем алырга укырга керер идем, ләкин миңа андыйлар миллион дип әйттеләр; Хәзер мин бу тылсымлы сүзләрне балаларыма әйтәм! Кешеләрнең нәрсә әйтүе түгел, үзеңнең нәрсә уйлавың мөһим!". - дип яза Зәмирә. Фото: скриншот ТНВ Источник: https://tnv.ru/tat/news/show-business/377250-z-mir-r-apova-nikakh-aldynnan-ikenche-khatyn-barlygyn-beldem/