Язгы ташу

Язгы ташу турындагы соңгы мәгълүмат белән дәвам итәбез. Елгаларда су һаман күтәрелә. Куйбышев сусаклагычында ул 20-30 сантиметрга, ә Дим һәм Үләмә кебек елгаларда 70 сантиметрга кадәр арткан. Төрле районнарда су астында калган 4 күпер тирәсендәге хәлне коткаручылар даими күзәтә.

Сыерларны без инде язгы ташу килер алдынан күршеләргә урын әзерлибезә, берсен монда кертәм - почти ел саен... иначе кайбер елларны прямо су өстеннән өстерәп чыктык.

Сыерларны - күршеләргә кертеп, умарталарны - биегрәк урын куеп, тавыклар өчен - өстәмә такталар җәеп. Рәшит ГӘБДЕРӘХИМОВ гаиләсе язгы ташуга ел саен шулай әзерләнә.

Рәшит ГАБДЕРӘХИМОВ - Татар Танае авылында яшәүче:
- Болотный сапоги бот төбеннән бит, менә шуның белән дә кереп булмый башлый. Кирпечләргә басып басып чыгабыз.

Узган елларда Су калдырган эзләр - сарай диварларында саклана. Бүген исә мунча белән бакчасында үрдәкләр йөзеп йөри.

Ишегалды тирәсендә гадәттә авыл хуҗалыгы техникасы торса, күршеләре Равил Садриевның бакчасы буенда - көймә.

Татар Танае авылына илтә торган бердәнбер юл. Авыл утрауда. су әйләндереп алган. бу иң биек вакыты түгел, диләр.

Гөбенә елгасының ярларыннан чыгуы - шундый хәлгә китерә. Ә бит әле тау башлары һәм урманнарда кар эремәгән дә, ди авыл халкы.

Фәнис МИРХӘТУЛЛИН - Мамадыш-Әкил авыл җирлеге башлыгы:
- Каядыр 30 хуҗалыкны су баса. 5 метр булганда арт якларны мунчаларны, 5,5тә йортларга керә, 18дә булган иде инде.

Су кешеләрнең өйләренә дә керергә мөмкин дип эвакуация пункты әзерләнгән. Ә яз башында су китү каналларын һәм торбаларны чистартканнар. Әмма бу гына җитми диләр. Авылны дамба белән әйләндереп алу өчен махсус проект әзерләнә.

Ә менә Югары Ослан районының Куралово авылын су баса башлагач, коткаручылар чакыртырга туры килгән.

Айдар МӨХӘММӘТҖАНОВ - Югары Ослан янгын сүндерү-коткару гарнизоны җитәкчесе вазифаларын вакытлыча башкаручы:
- Елгада су 2, 90 метрга күтәрелгән иңде. 2.80 -ул критический. шуңа боз шартлату эшләре башкардык, һәм шул ук көнне су биеклеге ике сәгатьтә 40 сантимерга төште.

Казан бистәләреннән дә коткаручыларга су басу белән бәйле мөрәҗәгатьләр еш килә. Күбесенчә Совет, Идел буе, Авиатөзелеш районнарыннан.

Фердинант ТИМЕРХАНОВ-Казан Башкарма комитетының гражданнарны саклау идарәсе җитәкчесе:
- Бистәләрдә тәүлек дәвамында су суыртыла. Әмма бу гына җитми. Кечкенә елгаларның яр буйларын, аларга чыга торган су каналларын, күпер асларын чистартырга кирәк. Шәхси хуҗалыкларда су бөялә икән - җаваплылык анда яшәүчеләрдә.

Ә иртәгедән кинәт җылыту көтелә. Температура 18-20 градуска кадәр күтәрелер дип фаразлыйлар. Урман һәм таулардагы кар кыска вакыт эчендә эреп бетәргә мөмкин. Бу исә көчле су басулар куркынычын тудыра.

tnv.ru