Яңа сезон! Хәзер ТНВны ОТРда озаграк карап булачак

19 сентябрьдә башланачак яңа сезонда «Россия Иҗтимагый телевидениесе» (ОТР) федераль телеканалы челтәрендә "Татарстан - Яңа Гасыр" телерадиокомпаниясе тапшырулары күбрәк күрсәтеләчәк. Тамашачыларны яңартылган студия, яңа геройлар һәм яңа сораулар көтә. Эш көннәрендә ТНВ ОТРда 6:00 сәгатьтән 9:00 сәгатькә кадәр һәм 17:00 сәгатьтән 19:00 сәгатькә кадәр, ял көннәрендә 8:00 сәгатьтән 9:00 сәгатькә кадәр һәм 18:00 сәгатьтән 19:00 сәгатькә кадәр күрсәтеләчәк. ОТР эфирында ТНВның "Здравствуйте", "Татарстан хәбәрләре", "7 дней", "7 дней+" интервьюлары, "Кто мы татары?" тарихи проекты, "Музыкаль Майдан" хит-парады һәм башкалар. Безнең белән бул! Исегезгә төшерәбез, ТНВ телеканалы тапшырулары ОТР челтәрендә 2019 елның 29 ноябреннән трансляцияләнә. Источник: https://tnv.ru/tat/news/announcement/344203-ya-a-sezon-kh-zer-tnvny-otrda-ozagrak-karap-bulachak/