Татар эстрадасы җырчысы: «Улыбызга исем дә сайлаган идек, ләкин...»

Татар эстрадасының яшь җырчысы, «Ямьле» төркемендә чыгыш ясаган, хәзер Америкада яшәп иҗат итүче Гөлназ Батталова тиздән әни булачагы турында хәбәр иткән идек инде. Баланың малаймы, кызмы икәнен артист социаль челтәрдә сөйләде. «Кызыбыз булачак. Безнең өчен бу көтелмәгән булды. Миндә сиземләү көче бар, малай булыр дип уйлаган идем. Төштә дә улыбыз булачак дип күрдем. Аннан соң якыннарым барысы да корсакны күргәч, баланың малай булачагын әйтте. Үзебез дә моңа ышанган идек, хәтта балага исем дә уйлап таптык инде. Гендер патидагы алсу төстәге төтен безнең өчен сюрприз булды. Әле дә ышана алмыйм! Иң зур бүләгем — кызым. Хәзер аңа матур исем сайларга кирәк. Бер-ике исем уйладым, ләкин сезнең тәкъдимнәрегезне дә көтәм" — дип язган Гөлназ. Фото: соцсети Источник: https://tnv.ru/tat/news/show-business/330691-tatar-estradasy-yrchysy-ulybyzga-isem-d-saylagan-idek-l-kin-/