«Болгар радиосы» ХIII Милли музыкаль премиясенә лаек булучылар исемлеге билгеле

13 декабрь «Пирамида»да «Болгар радиосы» ХIII Милли музыкаль премиясен тапшыру тантанасы узды.


Милли музыкаль премия - татар җырларын яратучыларның көтеп алынган бәйрәме. Мәртәбәле вакыйгага әверелеп баруы билетларның бер ай алдан сатылып бетүеннән үк күренде. Нәкъ биредә ел нәтиҗәләре игълан ителә, радио тынлаучыларының мәхәббәтен яулый алган артистларның исемнәре билгеләнә.


Эчтәлекле программалы, дәрәҗәле татар эстрадасы катнашындагы «Болгар радиосы» ХIIl Милли музыкаль премиясен тапшыру тантанасы югары дәрәҗәдә үтте. Концерт төрле чыгышларга бай булды: артистлар үзләренең танылган хитларын һәм тамашачылар тарафыннан җылы кабул ителгән яңа композицияләрен башкарды.

Премиянең төп фикере - тамашада 5 көч турында сөйләү: моң, җир, су, һава һәм ут. Шушы 5 көч тантана дәвамында үреп барылды. Тамаша ясалма интеллект ярдәме белән булдырылган видеодан башланды.


Кабатланмас җырлар, талантлы башкаручылар, халык сайлаган артистлар - болар барысы да “Болгар радиосы” ХIIl Милли музыкаль премиясендә! Премиянең авторларга да тапшырылуы шулай ук үзенчәлекле матур бер традиция.


Быел премияне "Болгар радиосы" алып баручылары Рөстәм Гайзуллин һәм Эльвира Вилдан алып барды. 31 артист "Болгар радиосы"ның Милли музыкаль премиясенең “Алтын йолдыз”на ия булдылар.


Алар:
1. Винера Ганиева
2. Гүзәл Уразова
3. Зәйнәб Фәрхетдинова
4. Әнвәр Нургалиев
5. Илсөя Бәдретдинова
6. Элвин Грей
7. Рифат Зарипов
8. Эльмира Кәлимуллина
9. Фирдус Тямаев
10. Вадим Захаров
11. Марат Яруллин
12. Гөлназ һәм Илсур Шәрипҗановлар
13. Алсу - Азат Фазлыевлар
14. Илшат Сафин
15. Илнат Фәрхуллин
16. Энҗе Егорова
17. Миләүшә Закирова
18. Ришат Фазлыйәхмәтов
19. Гөлназ Асаева
20. Зәринә Хәсәншина
21. Гөлназ Сәлахова
22. Чулпан Йосыпова
23. Зинира-Ризат Рамазановлар
24. Зөлфирә Мирзаянова
25. Алинә Давыдова
26. Ләйлә Галиева
27. Эльмира Гыйльфанова, Рафил Җәләлиев
28. Гөлзада һәм Илгиз Хәсәншиннар
29. Ильмира Нәгыймова
30. Дилә Нигъмәтуллина
31. Винарис Ильегет һәм Лилия Хәмитова


Концерттан соң тамашачылардан бик күп уңай фикерләр яңгырады. Күпләр тантананың мәгънәле булуын, шулай ук бәйрәм атмосферасын билгеләп үтте. "Мин килеп, үз күзләрем белән “Болгар радиосы” коллективын, татар эстарадасы артистларын күрә алуыма шатмын",– дип уртаклашты үз тәэсирләре белән тамашачыларның берсе.


Әлеге грандиоз вакыйганың телеверсиясен 1-2 гыйнвар көнне «Татарстан - Яңа Гасыр» каналында күрергә мөмкин булачак.