Римма Ратникова: балаларга әхлакый тәрбия бирү спорт белән кулга-кул тотынып бара
Апрель аенда «Динамо» Бөтенроссия спорт җәмгыяте үзенең 100 еллык юбилеен билгеләп үтәчәк. Бәйрәм алдыннан Татарстанда «Бердәм Россия» партиясенең «Балалар спорты» федераль проекты иҗтимагый советларының һәм Татарстан Спорт министрлыгының уртак утырышы узды. Очрашуның төп темасы буларак, балаларга һәм яшьләргә рухи-әхлакый һәм патриотик тәрбия бирү үрнәге буларак, «Динамо» оешмасы эшчәнлеге каралды.
Утырышта «Бердәм Россия» партиясенең Татарстан бүлеге секретаре урынбасары, Татарстан Дәүләт Советының татар һәм рус телләрендәге закон текстлары тәңгәлләштерү комиссиясе рәисе Римма Ратникова һәм Татарстанда «Балалар спорты» һәм «Чикләрсез Спорт» партия проектлары координаторы Ольга Павлова катнашты.
Бүген балаларга рухи-әхлакый һәм патриотик тәрбия бирү аеруча мөһим һәм актуаль,- дип ассызыклый Римма Ратникова. Аның фикеренчә, 90 нчы елларда чит ил иҗтимагый фондлары, бу өлкәгә тискәре йогынты ясды: Россиянең барлык кануннарыннан тәрбия сүзе алып ташланды. Кызганыч, патриотик, рухи-әхлакый тәрбия көн кадагыннан төшеп калды. Бу безнең илгә каршы юнәлдерелгән көчле идеологик көрәш. Украинага да шундый ук басым ясалды, анда тарих дәреслекләре яңадан язылды, нәтиҗәдә алар йогынтыны күпкә көчлерәк хис иттеләр. Әгәр кеше үз тарихын аңламаса һәм туган илен яратмаса, билгеле, аның туган илен якламаячагы һәм аның иминлеге турында кайгыртмаячагы яхшы аңлашыла.
«Бүген уртага салып каралган һәрнәрсә - республикада «Бердәм Россия» программасы кысаларында «Балалар спорты»проекты буенча гамәлгә ашырыла торган иң алдынгы гамәлләр. Бүген без һәряклы үсеш алган шәхес тәрбияләү максатыннан тәкъдим ителгән, алга таба гомумиләштереләчәк һәм камилләштереләчәк эшлекле фикерләр белән алыштык», - дип уртаклашты Ольга Павлова. Тренер кулында кечкенә кеше язмышы булуы – проектны тагы да актуальләштерә, дип өстәде ул. Аның тормышта нинди юл белән баруы шулай ук тренерның тәрбияви карашына да бәйле.
Докладлар, шәрехләр һәм тәкъдимнәр белән спорт юнәлешендә эшләүче дәүләт эшлеклеләре чыгыш ясады. Алар арасында: Татарстан Республикасы «Динамо» оешмасы рәисенең беренче урынбасары Салават Гайсин, «Балалар спорты» проектының республика иҗтимагый советы рәисе Диана Сафарова, «Балалар спорты» проектының рәистәше Ринат Абзалов, Татарстан Республикасы Дзюдо федерациясе вице-президенты Раил Муратшин, Татарстан Республикасы буенча Россия сугышчан сәнгатьләр берлеге башкарма комитеты җитәкчесе Александр Даренков, Татарстан Республикасы Стендка һәм пулялы ату федерациясе президенты Сергей Демин һәм «ЯҢА СПОРТ» спорт маркетингы агентлыгы» җаваплылыгы чикләнгән җәмгыяте һәм «Казан Марафоны» спорт чараларын уздыру үзәге директоры Вадим Янгиров.
Чыгыш ясаучылар үз юнәлешләре буенча гамәлгә ашырыла һәм аерым игътибар таләп итә торган проектлар, максатлар турында сөйләделәр. Мисал өчен, «Балалар спорты» федераль проекты кысаларында гамәлгә ашырылучы чаралар комплексы спорт залларын реконструкцияләүне һәм аларны инвентарь белән тулыландыруны, балалар лагерьларында спорт мәйданчыклары төзүне, мәктәпләргә үз территорияләрендә спорт мәйданнары булдыру өчен субсидия бирүне һәм спорт федерацияләренең гомуми белем бирү оешмалары белән хезмәттәшлеген үз эченә ала. Болар барысы «Бердәм Россия» партиясенең халык программасы кысаларында башкарыла.
Александр Даренков сүзләренчә, Россия Сугыш сәнгате берлегенең Татарстан филиалы үз максатларын югары класслы спортчыларны әзерләү һәм массакүләм спортны үстерү генә түгел, ә яшь буынны рухи-әхлакый, патриотик тәрбияләү, аларның шәхесләрен ныгыту да дип саный. Раил Моратшин һәм Сергей Демин да шундый ук фикердә. Моннан тыш, Сергей Демин Татарстанда стенд һәм пуля белән атуның барлыкка килү тарихын сөйләде һәм яшь буынны тәрбияләү буенча агымдагы бурычларны бәяләде.
Алга куелган максатларның бер өлеше «ЯҢА СПОРТ» спорт маркетингы агентлыгы тарафыннан TIMERKIDS проекты кысаларында хәл ителә: барлык яшьтәге балалар өчен даими марафоннар һәм ярыммарафоннар оештырыла, шул исәптән алты айдан өч яшькә кадәрге балалар өчен «марафоннар». Вадим Ангиров сөйләвенчә, «Казан Марафоны» кысаларында Казанда 2 мең кеше катнашында Россиядә күләмендә иң зур балалар йөгереше оештырылган.
