Кыскартылган эш атнасы уртасында Татарстанда -25 градуска кадәр суыта

21 февральдә Татарстан җирлегендә явым-төшемнәрсез алмашынучан болытлы көн көтелә. Төнлә һәм иртән урыны белән томан көтелә. Җил тизлеге 4-9 м/с җитәчәк. Татарстанның гидрометеорология идарәсе синоптиклары алдагы төндә республикада һава температурасы -15..-20 градуска, урыны белән -25 градуска кадәр төшәчәк, дип фаразлый. Көндез -8..-13 градуска кадәр җылытачак. Казанда төнлә -15..-17 градус җитәчәк. Кайбер районнарда -20 градуска кадәр дә суытачак. Көндез -8..-10 градус көтелә. Юлларда бозлавык, карап кына йөрегез. Фото: ТНВ, tatarmeteo.ru Источник: https://tnv.ru/tat/news/tatarstan/374759-kyskartylgan-esh-atnasy-urtasynda-tatarstanda-25-graduska-kad-r-suyta/