Ызгыш травматик коралдан ату белән тәмамланган

Казанның бер караоке клубында яшьләр компаниясе белән сак хезмәткәрләре арасында ызгыш чыккан. Ул травматик коралдан ату белән тәмамланган. Беренчел мәгълүматка караганда, сакта торучы спорт киеменнән булган егетне клубка кертүдән баш тарткан, чөнки бу клубның таләпләренә туры килми. Шул сәбәпле, аңа травматик пистолеттан атканнар. Кем атканы - үпкәләгән егетме, әллә аның иптәшләреме - төгәл билгеле түгел. Барысын да тоткарлаганнар, корал һәм видеокүзәтү камераларының язмалары тартып алынган. Зыян күргән сакчыны хастаханәгә китергәннәр, һәм тиешле ярдәм күрсәткәннән соң чыгарып җибәргәннәр.