Иртәгә Казанда бушлай автобус йөриячәк

Иртәгә, 5 апрельдә, изге Рамазанның соңгы җомга көнендә, Казанда хәйрия маршруты йөриячәк. Бу хакта Татарстан мөселманнары Диния нәзарәте матбугат хезмәте хәбәр итә. №705 булган 30 нчы автобус Рамазан ае уңаеннан бер көн дәвамында бушлай йөртәчәк. Татарстан мөфтиятенең “Зәкят” хәйрия фонды “Рамазан – изге гамәлләр ае” марафоны кысаларында барлык пассажирларның йөрү чыгымнарын түләячәк. Социаль “Рамазан маршруты” иртәнге сәгать алтыдан (6:00) кичке сәгать алтыга (18:00) кадәр йөриячәк. Аның алгы тәрәзәсендә «Благотворительный маршрут от БФ «Закят» дип язылачак, ә салоны шарлар белән бизәләчәк. Фото: dumrt.ru Источник: https://tnv.ru/tat/news/dean/382824-irt-g-kazanda-bushlay-avtobus-y-riyach-k/