Элвин Грей төрмәдә концерт куйган

Татарстанның һәм Башкортстанның атказанган артисты Радик Юлъякшин Уфаның 3нче холык төзәтү колониясендә концерт программасы белән чыгыш ясады, дип яза «Кызыл таң» газетасы.

Мондый бәйрәм чарасы әле учреждениедә беренче тапкыр булган икән. Элвин Грей сәхнәдә концерт программасын тәкъдим иткән, аны яңа хитлары белән тулыландырган. Артист хөкем ителүчеләр белән аралашкан һәм башкорт, татар һәм урыс телләрендә чыгыш ясаган.

Хөкем ителүчеләр арасында җырчының иҗатын яратучылар да аз түгел икән. Мәсәлән, Алексей үзе дә, хатыны да Радик Юлъякшинның җырларын күптән белә һәм тыңлый: «без Элвин Грей иҗатына гашыйк. Аның җырларын барлык телләрдә дә тыңлыйбыз. Хатыныма шалтыратып, колониядә концерт булачагын әйттем, ул хәтта ышанмады да. Мин әлеге чара өчен учреждение администрациясенә бик рәхмәтле. Ул безгә тагын бер тапкыр килер дип өметләнәм», — дигән ул.

Җырчыга колониядә утыручылар үз куллары белән ясалган бик затлы «нарды» бүләк иткән.

Исегезгә төшерәбез, моннан өч ел элек Татарстанның һәм Башкортстанның халык артисты Салават Фәтхетдиновта колониядә чыгыш ясаган иде.
tnv.ru