Быел Татарстанда 3,8 миллион тонна икмәк уңышы көтелә

Татарстан Рәисе Рөстәм Миңнеханов 2025 елга Дәүләт Советына еллык юлламасын тәмамлады. Юлламада ул авыл хуҗалыгы тармагында 3,8 млн тонна икмәк уңышы көтелүен әйтте. Бу уңышка кукуруз да керә.

Республикада 2 млн тоннадан артык шикәр чөгендере, 1 млн тоннадан артык бәрәңге һәм яшелчә уңышы көтелә. «Бу безгә халыкны тулысынча азык-төлек продуктлары белән тәэмин итәргә һәм республикадан читкә дә чыгарырга мөмкинлек бирәчәк. Кыр хезмәтчәннәренә авыр һәм мөһим эшләре өчен рәхмәтемне җиткерәм», – диде.

Республика җитәкчесе быел техника яңартуга 1,8 млрд сум, туфрак уңдырышлыгыгын арттыруга 1 млрд сум акча бүлеп бирелгәнен әйтте. «Фәнни-технологик үсеш елында фәнни үзәкләрдән үзебездә җитештерелгән орлыкларның селекциясе буенча төгәл нәтиҗәләр көтәбез», – диде.

Рөстәм Миңнеханов «Татнефть» һәм «ТАИФ» компанияләренә авыл хуҗалыгы хезмәтчәннәрен ташламалы бәядән дизель ягулыгы белән тәэмин итүләре өчен рәхмәтен белдерде.

 Источник: https://tnv.ru/tat/news/avyl/417892-byel-tatarstanda-3-8-million-tonna-ikm-k-u-yshy-k-tel/