Беренче канал җырчы Алсу кызының “Голос. Дети” шоуында җиңүен гамәлдән чыгарды

Беренче канал “Голос.Дети” алтынчы сезоны финалы нәтиҗәләрен гамәлдән чыгарды. Анда Алсуның 11 яшьлек кызы Миккела Абрамова җиңгән иде. Бу турыда ТАСС хәбәр итә.

“Голос. Дети” финалында тамашачылар тавыш бирү барышы буенча тикшерү үткәргән Group-IB компаниясе бер катнашучы өчен автоматлаштырылган күпләп СМС җибәрүне теркәде. Йомгаклау нәтиҗәсе май азагында билгеле булачак. Беренче канал балалар җыр шоуы финалының нәтиҗәсен гамәлдән чыгарды.

“Аудитның бурычы кемгә дә булса гаеп белдерү өчен түгел, ә тавыш бирүгә ясалма йогынты ясау фактын раслау яки кире кагу иде”, - диелә документта. Шулай ук беркем дә җаваплылыкка тартылмаячак дип тә хәбәр ителгән.

Беренче канал шулай ук “Голос” киләсе сезоны алдыннан яңарачак тавыш бирү механизмын камилләштерү һәм өстәмә яклау буенча чаралар күрәчәк. "Голос. Дети”ның алтынчы сезонында булган хәл тамашачылар сайлавы белән идарә итәргә теләгән беренче һәм соңгы очрак булырга тиеш", - диелгән канал хәбәрендә.

"Голос. Дети шоуының барлык финалистлары катнашында махсус чыгарылышы 24 май Беренче каналда чыгачак. Әмма шоуның нәтиҗәләре гамәлдән чыгарылган.

("Татар-информ")