Азнакай районы халкы чаң кага: басуларда үлән корып беткән, терлекнең ашарларына юк

Бу көннәрдә Азнакай районы халкы чаң кага: анда басу-кырлар, игеннәр корып беткән. Ул якта яңгырның да яуганы юк, кырау да нык бәргән. Нәтиҗәдә: бөртекле культуралар үсми, тамырдан корып беткән; терлек тә азыксыз калган. Азнакай районы халкы яңгырның нинди булуын оныткан да инде. Бу җирлектә җәй көне яуган явым-төшемнең күләме нибары 9 ммга җитә. Басулардан яхшы уңыш алыр өчен, кимендә 30 мм дымлылык таләп ителә. Быел Азнакайның хуҗалык хезмәтчәннәре былтыргы уңышларының яртысын да кабатлый алмаячак, аларны «кышны ничек чыгарга?» дигән сорау гына борчый. Районда корылык һәм кырау төшүдән интеккән «Марс» хуҗалыгына караган кырлардан бүгенгә 70 тонна бөртекле җыеп алынган. Былтыр шул ук вакытка 350 тонна орлык алганнар. 70 тонна нибары 2-3 көнгә генә җитешле күрсәткеч, — дип борчыла хуҗалык эшчәнлеләре. Өметсез шайтан диеп, басуның бер өлешенә көнбагыш чәчкәннәр. «Башка районнарда беренче чабым башланып, инде тәмамланырга өлгерсә, Азнакай районында аны башлап торуның мәгънәсе юк», — ди хуҗалык башлыгы Наил Усманов. Хәзер биредә яшәүчеләрнең бөтен өмете яңгырда һәм икенче чабымда. Ә әлегә - җыеп алырлык үлән дә, сыерларга ашатырлык печән дә юк. Терлек тә коры үлән ашарга мәҗбүр, шуңа күрә бер өлешен хәзер көтүгә дә чыгармыйлар: былтыргы печәнне ашаталар. Тик болай барса, узган елдан калган запаслар Яңа елга хәтле генә җитәчәк. «Әнә, аптырап, коры үлән ашап йөриләр. Тел тидерерлек бер генә яшел үлән юк бит монда!», — дип ТНВ хәбәрчесенә аңлатты зарын Азнакай районының авыл хуҗалыгы һәм азык-төлек идарәсенең җитештерү бүлеге җитәкчесе Рәсим Бәдретдинов. Белгечләр әйтүенчә, басуларның мондый хәлгә килүе аномаль корылык һәм яңгыр яумадан гына түгел. Майда Азнакайда -12 градуслы кыраулар төшкән. Алар, корылыкка өстәп, басуларна бөтенләй диярлек юк иткән. Хәтта 2010 елгы авыр, яңгырсыз елны да уздырды 2023. Аграрийлар хәзер яңгыр көтеп, бер тамчыга сусап яшиләр. Аларның өметләре акланырмы? Әллә кышларын да борчылып үткәрерләрме? Источник: https://tnv.ru/tat/news/tatarstan/328989-aznakay-rayony-khalky-cha-kaga-basularda-orlyk-koryp-betk-n-terlekne-asharlaryna-yuk/