Аксубайдан хәрби: Гуманитар ярдәм китергән волонтерларны шатланып каршы алабыз

Аксубай районы башлыгы Камил Гыйльманов махсус хәрби операция зонасыннан ялга кайткан мобилизацияләнгән хәрби белән очрашкан. "Железный" кушаматлы хәрби үзләренең көнкүреше, Ватан өчен көрәшүләре турында сөйләгән.

Район башлыгы солдатның фронт тормышы һәм гаиләсенә нинди ярдәм кирәклеге белән кызыксынды.

Хәрби 2022 елның октябрендә икенче дулкын белән мобилизацияләнүе турында әйтә. Тумышы белән ул Трудолюбово авылыннан. Ялга ул, шул исәптән әти-әнисенә агымдагы хуҗалык эшләрендә ярдәм итәр өчен дә кайткан.

Егет хәрби эш көннәреннән зарланмый, ни өчен мобилизацияләнүчеләр сафына беренчеләрдән булып эләгүе турында да фикер йөртми. Әмма ел ярымнан артык вакыт эчендә ул хәрби бәрелешләр планында бик күп нәрсә белүен, Җиңүне якынайтуга ярдәм итәчәк гамәлләрне куллану өчен үз потенциалын төрле яклап үстерергә тырышуын әйтте.

"Әлбәттә, барыбыз да махсус хәрби операция тәмамланганны көтәбез. Гуманитар ярдәм китергән волонтерларны шатланып каршы алабыз һәм рәхмәт белдерәбез. Аксубай яшьләр үзәгендә эшләүче данлыклы хатын-кыз-волонтерлар белән шәхсән очраштым, барысы белән дә кочакланышып күрештем. Балаларга хатлар язганнары өчен рәхмәт – без аларны стеналарга элеп куябыз һәм көн саен алып укыйбыз, безне хәтерләүләрен, безнең турыда кайгыртуларын һәм көтүләрен, безгә ышануларын аңлау бик күңелле!" – дип сөйләгән «Железный» "Аксубай" газетасы хәбәрчесенә.

Фото: aksubayevo.ru
Источник: https://tnv.ru/tat/news/tatarstan/399334-aksubaydan-kh-rbi-gumanitar-yard-m-kiterg-n-volonterlarny-s...