Наилә Гыйбадуллина нәрсәдән курка?

“Тормыш әлифбасы”н алып баручы Наилә Гыйбадуллина тапшыруга яңалык кертте. Бу – килгән кунак өчен дә, Наилә өчен дә үзенә күрә кечкенә бер сынау кебек. Бу хакта Наилә үзе сөйләде.

“Мин “Тормыш әлифбасы”нда кунагымны төрле яктан ачарга тырышам, шуңа күрә сорауларым да төрле темага багышланган. Ә узган тапшыруда бер яңалык керттем: килгән кунагым мин биргән сорауларның берсен сайлап тапшыру ахырында шуны миннән сорый”, - дип сөйләде Наилә Гыйбадуллина.

Тапшыру кунагы Эльвира Мадиярова Наиләгә “иң курыкканың нәрсә?” дигән сорау бирде. “Дөресен әйтәм, бу сорауга җавап әзерләп куймаган идем, шуңа да ничек бар шулай җавап бирдем. Сер түгел, барыбыз өчен дә иң кадерлесе ул – бала. Беркемгә дә бала хәсрәтләре күрергә язмасын. Мин кызымны югалтудан куркам”, - диде Наилә.