"Идеясе-миннән, рөхсәт-Рәмистән"

Әле кичә генә төгәлләнгән «Солдат тормышы» бәйгесе җиңүчесе итеп Рәмис Гатауллин табылды. Ә бүген исә аның сөйгән Алсинә Ахунҗанова «Болгар радиосы» партнерларыннан булган бүләкләрне килеп алып китте. Әлеге фотоконкурста катнашу кемнең идеясе иде дигән сорауга җиңүчебез болай җавап бирде: 

«Идеясе – миннән, рөхсәт – Рәмистән. Ул бүгенге көндә килешү нигезендә Казан танк көллиятендә хезмәт үтә. Моңарчы исә 18 яшендә үк РХБЗ гаскәрләрендә Екатеринбург якларында хезмәт итеп кайтты. «Солдат тормышы» бәйгесендә җиңәр өчен «Болгар радиосы» ның рәсми сайтыннан репостлар ясап туганнарны, дусларны әлеге эшкә җәлеп иттек. Җиңүебезгә бит шатбыз!»

Рәмис инде 5 нче елын хезмәт итүенә карамастан, аңа нибары 23 яшь, ә яклаучысын «Болгар радиосы» бүләкәре белән сөендерергә ашыккан Алсинәгә – 20! Уңышлар телибез яшьләргә һәм алдагы фотоконкурсларда катнашуларын көтеп калабыз.