Чаллы Сабантуена Элвин Грей килә, ә "Болгар радиосы" сабантуенда Ришат Төхвәтуллин чыгыш ясыячак!

Сабантуена тәкәләр кайтты, Элвин Грей килә, кунаклар чакырылган, дип яза җирле басма.
Быел Чаллы Сабантуенда баш батырга бүләккә автомобиль бирмиләр икән, дигән сүзләр дөреслеккә туры килми. Шәһәр хакимиятендә, Сабантуен оештыру комитетында батырга барыбер традициядән тайпылмый машина һәм тәкә бүләк итәргә кирәк, дигән фикердә торалар. Тиздән бу ачыкланачак. Сабантуй фондына автомобиль алырлык акча тупланган инде. Тәкә, дигәннән инде өч баш хайванны Түбән Кама районныннан "Тулпар" ат мәктәбенә кайтарып куйганнар.Аларның иң эресе 110 килограммнан артып китә. Тәкәләрнең берен физик мөмкинлекләре чикләнгән шәһәрдәшләребез Сабантуенда бүләк итеп биреләчәк. Калган икесе 8 июль көнне үзәк мәйданда җиңгән батырлар өчен. Баш батырга һәм үсмерләр арасында барысын да җиңеп чыккан батыр егеткә.
"Шәһри Чаллы" тагы шуны ачыклады,"Күңел" радиосы дижейлары алып барган программадан соң, Элвин Грей кичке концертта 40 минут дәвамында җырлаячак. Аның гонорары да миллион сум түгел күпкә кимрәк.

Чаллы сабантуенда бәйрәм иткәннән соң, без сезне 15 июль көнне "Болгар радиосы" сабантуена чакырабыз!  "Болгар радиосы" сезне Каенлыкта көтә! Тынычлык бистәсендә очрашырбыз! Бергәләшеп ял итәрбез, артистларыбызга кушылып җырларбыз, "Болгар радиосы"ннан шәп бүләкләр отарбыз! Мишәрләр әйтмешли, "ЗРӘ" шәп булачак!) 

Бу көнне "Болгар радиосы" мәйданында иң танылган артистлар булачак: 

1. Венера Ганиева 
2. Рөстәм Закиров 
3. Люция Мусина 
4. Рифат Зарипов 
5. Алия Карачурина 
6. Айдар Ракипов 
7. Гөлназ Асаева 
8. Артур Шөгаепов 
9. Сиринә Зәйнетдинова 
10. ИлСАф 
11. Резидә Шәрәфиева 
12. Зинира һәм Ризат Рамазановлар 
13. Алинә Давыдова 
14. Руслан Кирамутдинов 
15. Алинә Сафиуллина 
16. Флорит Гыйздатуллин 
17. Эльвира Хамматова 
18. Фәрит Низамиев 
19. Чулпан Йосыпова 
20. Гүзәл Мәхмүтова 
21. Дилә Нигъматуллина 

ҺӘМ МАХСУС КУНАК РИШАТ ТӨХВӘТУЛЛИН! 

Килегез! Көтәбез!