"Болгар радиосы"ннан 18 мартка йолдызнамә!

Кучкар.

Кучкарларның төп коралы бүген юмор булыр. Бар дөньяны якты нурларга күмерләр!

Үгезбозау.

Үгезбозаулар бүген тотрыксыз булыр. Ләкин нәрсә генә булса да, кызык булачак!

Игезәкләр.

Элеккеге киртәләрне җимереп, яңа юллар салыр вакыт, игезәкләр!

Кысла.

Кыслалар, якын-тирәгезне карагыз әле. Кемдер яшертен генә сезнең арттан күзәтә түгелме? Бичара, мәхәббәттән күзен дә ала алмый бит!

Арыслан.

Бүген арысланнарны дуслары илһамландырып торыр! Ничек кенә әле?! Шау-шудан курыкмагыз, барысын бергә җыегыз!

Кыз.

Иң мөһиме - тирә-юнеңдәге кешеләр. Алар сиңа йогынты ясый. Шуңа күрә, дусларны да сайлый белергә кирәк!

Үлчәү.

Үлчәүләр, күңелегез кушканча эшләгез! Иң беренче хис беркайчан да алдашмый!

Чаян.

Чаяннар, артык дөрес һәм тыйнак булырга ярамый! Сезгә игътибар итсеннәр өчен бераз алга чыгарга кирәк!

Укчы.

Татар юрап китерер, диләр! Көнне ничек юрасаң, шулай булачак! Шуңа күрә иртүк яхшы кәеф һәм зур максатлар куегыз!

Кәҗәмөгез.

Кәҗәмөгезләр, борчуларны читкәрәк куеп торыгыз әле. Шаярыгыз! Никадәр күбрәк шаярсагыз, шулкадәр кызыклырак тормыш!

Сукояр.

Бүгенге көн дилбегәсен үз кулыгызга алыгыз! Әлбәттә, бик күп каршылыклар, киртәләр булыр... Бирешмәгез!

Балык.

Балыклар, гадәттәгечә, елмаеп кына йөрер. Чөнки алар өчен барысы да эшләнеп куелган бүген.