"Болгар радиосы"ннан 7 мартка йолдызнамә!

Кучкар. 

Кучкарлар, алдан берни дә планлаштырмагыз. Тормыш үзе бүген юл күрсәтәчәк. 

Үгезбозау. 

Үгезбозауларга ял кирәк. Барлык эш-мәшәкатьләрегезне башкаларга йөкләп торыгыз да, тын алгач кабат алынырсыз. 

Игезәкләр. 

Игезәкләргә сөйгән ярларыннан игътибар җитмәс. Читенсенмәгез, сорагыз. Бераз таләп итсәгез дә була... 

Кысла. 

Кыслалар, ялгызлыкта тилмергәнче, дуслар белән гөрләтеп алу яхшырак! Боекканчы, елмаегыз! 

Арыслан. 

Арысланнар, уңыш бүген бераз адашып калган, шуңа күрә койрыгыннан тизрәк эләктерергә кирәк. 

Кыз. 

Кызларның, вакыйгаларга җайлашыргамы, әллә каршы көрәшергәме дигән сорау туар... Карышмагыз, көрәшеп түгел, ә хәйлә белән җиңәргә кирәк. 

Үлчәү. 

Үлчәүләр, авырлыклардан күпме качарга була? Алар беркайчан да арттан калмаячак. Шуңа күрә борылыгыз да, барын да хәл итеп, җиңеләеп алга атлагыз. 

Чаян. 

Чаяннарны үзгәрешләр көтә. Күңелегезгә ятмаганның барын да алыштырыгыз, хәтта кешеләрне дә. Бар да сезнең өчен... 

Укчы. 

Укчылар, шәхси тормыштан да кыйммәтрәк нәрсә булырга мөмкин? Бүгенге көнегезне шәхси тормышыгызга багышлагыз. 

Кәҗәмөгез.

Кәҗәмөгезләр, игътибарлы һәм мәрхәмәтле булыгыз. Бүген сездән бәяләмә түгел, ә ярдәм көтәләр... 

Сукояр. 

Сукоярлар, кызыксыз, салмак, вакчыл эшләрне читкә ташлагыз. Никадәр көтелмәгән, башка сыймаслык идея булса, шулкадәр күңеллерәк. Гадәтилектән бар да туйды... 

Балык. 

Балыклар, сезнең теләккә берәү дә каршы килә алмый бүген. Чөнки бар да сезнең белән килешә.