“Болгар радиосы” Болгарда!
Иң беренчеләрдән булып велосипедларда Илфар Кәримов, Данил Гыйниятов, Айнур Әхмәтов, Илшат Вакказов, Артур Фәләхов, Фаил Гыймадов, Дилә Нигъмәтуллина, Динара Ряхимова, Рината Тэй, Ландыш Нигъмәтҗанова чыкты. 10 чакрым юл узган саен велосипедта йөрүчеләр алышынып барды, эстафета – алтын микрофон башка катнашучыларга тапшырылды.
ТНВ каналының башкарма директоры һәм баш редактор урынбасары Данил Гыйниятов веломарафонда бишенче тапкыр катнаша: "Веломарафонда бишенче ел катнашам. Бу халыкчан проект. Веломарафон - "Болгар радиосы"ның иң уңышлы проектларының берсе дип саныйм. Ул тарихи урын белән, шулай ук радионың исеме белән дә бәйле", - ди ул.
Казан-Болгар маршруты буенча хәрәкәт итүче велоспортчылар музыкаль тукталышлар да ясады. Спас районы җирлегенә керүгә велоэстафетада катнашучыларны ипи-тоз белән каршы алдылар. Ямбакты һәм Никольское авылы халкы өчен концерт программасы күрсәтелде. Мондагы тамашачылар - концертларга, җыр-моңга сусаган халык. Рус телле әби-бабайларның, хәтта балаларның да татар җырларына кушылып җырлаулары сөендерде. Тамашачылар концерт карау белән генә чикләнмәде, велоэстафетада катнашучылар белән беррәттән велосипедларын алып “Болгар радиосы” белән бергә юлын дәвам итте.
Болгар җирлегендә “Болгар радиосы” хезмәткәрләрен һәм артистларын Спас районы башлыгы Фәргать Мөхәммәтов каршы алды. Әлеге проектны оештыручыларга рәхмәтен һәм киләчәктә дә хезмәттәшлекнең дәвам итүенә ышанычын белдерде ул.
Болгар радиосы”ның башкарма директоры Наилә Хәйдәрова үз чиратында Спас районынының кунакчыл халкына һәм велоэстафетада катнашучыларга рәхмәтен белдерде: “Һәр елны безне зур әзерлек белән каршы алалар. 35 градуслык эсседә велосипедларда йөрү авыр булса да, 12 сәгатьлек юл сизелмичә үтте. Болгар җирлегендә безне көтеп торуларын белеп килдек. Концертка килгән, велоэстафетада катнашкан балаларны аеруча билгеләп үтәсе килә. Күбесе рус телле булуына карамастан, концерт барашында җырчыларга кушылып, татарча җырлап басып тордылар, ул гына да түгел: авыл буйлап безнең белән бергә велосипедларда йөрделәр. Бу бик сөенечле күренеш”
Велоэстафета Болгар мәдәни-фестиваль комплексында татар эстрадасының якты йолдызлары катнашындагы зур концерт белән тәмамланды. Бу чарада катнашыр, концертны карар өчен башка районнардан килүчеләр дә шактый иде. Шуларның берсе Норлат районыннан Илгиз абый. Ул эстафетада катнашкан Данил Гыйниятов, Рөстәм Гайзуллин, Ландыш Нигъмәтаҗнова, Артур Фәләховка үз куллары белән бүләкләр дә әзерләп килгән. Болгар халкы проектта катнашучыларны, җырчы-артистларны алкышларга күмде. Киләсе елда да көтеп калуларын белдерде.
Концертта татар эстрадасының популяр артистлары: Рифат Зарипов, Салават Миңнеханов һәм Гүзәлем, Рината Тэй, Ризат Рамазанов, Азат Фазлыев, Dj Radik һәм Айрат Сафин, Дилә Нигъмәтуллина, Гөлнара Габидуллина, Динара Ряхимова, Илназ Баһ һәм Гүзәл Идрисова һәм Ландыш Нигъмәтҗанова катнашты.
г.Казань, ул. Максима Горького, 15
Используя настоящий сайт, вы обязуетесь выполнять условия данного соглашения.
На настоящем сайте могут демонстрироваться табачные изделия. Курение вредит вашему здоровью. (18+)
Этот сайт использует cookie-файлы, в том числе собираемые системами аналитики «Яндекс.Метрика» и LiveInternet - для сбора и хранения данных в целях улучшения работы сайта и анализа трафика. Подробнее - в Политике cookie и Политике обработки персональных данных.
Настройка cookie
Нужны для работы сайта, безопасности, оформления заказа и сохранения выбранных настроек cookie. Эти файлы нельзя отключить.
Помогают запоминать выбранные настройки сайта: язык, регион, параметры интерфейса и другие удобные функции.
Помогает понимать, как посетители используют сайт, какие страницы открывают и как можно улучшить работу сайта.
Яндекс.Метрика и LiveInternet запускаются только после включения статистики или выбора «Принять все».
Используется для рекламных пикселей, ретаргетинга, оценки эффективности рекламы и персонализации предложений.
