"Болгар радиосы" алып баручысы Наилә Гыйбадуллина радиожурналистика серләрен ача.

Иртәгә Казан шәһәренең 155 нче санлы татар-инглиз гимназиясендә республикабызның төрле почмакларыннан җыелган укытучылар, мәктәп укучылары һәм журналистлар очрашуы узачак. Әлеге чарага "Казан утлары" , "Гаилә һәм мәктәп" журналлары хезмәткәрләре,  "Татарстан - Яңа Гасыр" телеканалы журналистлары һәм "Болгар радиосы" алып баручылары чакырулы. Наилә Гыйбадуллина иртәгә, 18-нче апрель көнне очрашуга килгән барча кунакларга радиожурналистика серләрен ачачак. Очрашуга әзерләнгән вакытта Наиләнең радиожурналистика дөньясына ничек килеп эләгүе турында сораштык: 

"КДУ университетының журналистика, социология һәм психология факультетын тәмамладым. Үземнең остазларыма бик рәхмәтлемен. Университет мөгәллимнәре: декан Ф.Әгъзамов(мәрхум),Васил Гарифуллин,эфирда эшләуче Д.Пивоваров,И.Әминов,М.Айтуганова журналистика серлэренә төшендерде,ә телнең, әдәбиятнең байлыгына Х.Миңнегулов,Ф.Сафиуллина һәм башкалар өйрэтте. Радиода практика утү аерым бер хәтирә.Танылган журналистлар М.Миншин,Ж.Дәрзаман ,Р.Гаффар,  режиссерлар Ф.Жәләй ,Э.Гыйлаҗи радио теленэ өйрәтте. Танылган жырчы Вәфирә Гыйззәтуллина белән дә радиода танышу, аннан аралашып яшәү бик матур мизгеллэр булып уелып калган куңелдэ"

 Әлеге очрашу ничек узганы хакында иртәгә тулырак укый алырсыз.