Бүген 4нче "Болгар радиосы" милли музыкаль премиясен тапшыру тантанасы хакында пресс-конференция узды.

Бүген "Татар-информ" мәгълүмати агентлыгында 4нче "Болгар радиосы" милли музыкаль премиясен тапшыру тантанасы хакында пресс-конференция узды. Әлеге чарада "Болгар радиосы" ның баш мөхәррире, продюсер Илфар Кәримов, "Болгар радиосы"  милли музыкаль премиясен тапшыру тантанасы алып бларучысы Айсылу Хаҗиева һәм номинантлар Татарстан Республикасының халык артисты Гөлдания Хәйруллина һәм Ришат Төхвәтуллин катнаштылар.

Журналистлар төрледән - төрле сораулар яудырдылар: сценарий авторларыннан алып "Болгар радиосы" милли музыкаль премиясен тапшыру тантанасың бюджетына кадәр кызыксындылар. Билгеле, әлеге чараның киләчәге, номинацияләрнең ничек барлыкка килүе  һәм җиңүчеләрнең ничек ачыклануы хакында сораулар да күп булды.

Илфар Кәримов журналистлар алдында болайрак җавап тотты:

- Бу елгы тантана бик үзенчәлекле булачак. Беренчедән, сценарий бик үзгә. Тамашачы 1 пар алып баручыга күнеккән вакытта, без стереотиплардан читкә китеп 3 парда тукталырга булдык.  Без - ул Галиәсгар Камал исемендәге татар дәүләт академия театры артисты, ТР халык артисты,  "Болгар радиосы" милли музыкаль премиясен тапшыру тантанасының сценарий авторы Илтөзәр Мөхәммәтгалиев һәм опештыру комитеты. Театраллар белән эшләү һәм бергә иҗат итү һәрвакытта да кызыклы. Тамашачыларга да ошар диеп ышанабыз.
Бюджет мәcьәләсенә килгәндә тәгаен гына әйтә дә алмам. Ләкин шунсын билгеләп үтәргә кирәк, декорацияләргә, бизәлешкә шактый акча тотылды. "Болгар радиосы" милли музыкаль премиясен тапшыру тантанасы сәхнәсе көнбатыш шоулар, элеккеге балларны хәтерләтәчәк: зур люстралар, алып баручы киемнәре, номинантлар чыгышы вакытында кулланылачак махсус эффектлар.

Исегезгә төшерәбез,"Болгар радиосы" милли музыкаль премиясе номинантлары исемлегендә  Венера Ганиева, Зәйнәп-Зөфәр, Филүс Каһиров, Ришат Төхвәтуллин, Илсөя Бәдретдинова, Рифат Зарипов, Гөлдания Хайруллина, Булат Җиһаншин, Винарис, Артур-Марат дуеты, Зинира һәм Ризат Рамазановлар, Гүзәлем һәм Салават Миңнеханов, Алинә Шарипҗанова, Зөфәр Хәйретдинов, Вадим Захаров күреп була! Һәм бу исемлек тулы түгел...

«Болгар радиосы» милли музыка премиясе – Сез сайлаган җырлар!
25нче февраль , «Пирамида» концертлар залы! Билетлар сатуда

Елның иң көтелгән тамашасы! Грандиоз шоу, шәп концерт! «Болгар радиосы» милли музыка премиясе тапшыру тантанасы!