Захарова: Махсус хәрби операциядә катнашучыларга өстәмә гарантияләр булдыру турында тәкъдимнәрне төбәкләрдә хупларлар
Россия Президентына махсус хәрби операциядә катнашучыларга өстәмә социаль гарантияләр, аларның хезмәт һәм милек хокукларын яклау, шулай ук оборона-сәнәгать комплексын үстерү буенча тәкъдимнәр җибәрелде
Махсус хәрби операция мәсьәләләре буенча эшче төркемнең тәкъдимнәре Краснодар краенда хәрби часть базасында узган күчмә утырышта игълан ителде.
Эшче төркем башлыгы, «Бердәм Россия» Генераль советы секретаре Андрей Турчак хәбәр иткәнчә, берничә закон чыгару инициативасы әзерләнә. Алар ипотека кредитларына, хәрби хезмәткә чакырылган хәрбиләрне акчалата тәэмин итүгә өстәмәләр кертүгә, вакытлы хезмәт килешүләрен өзү тәртибенә һәм башка сорауларга кагыла.
Моннан тыш, Президентка докладка 1 июльдә сугыш хәрәкәтләре ветераны көнен билгеләү турында тәкъдим кертелә.
Татарстан Республикасы Дәүләт Советында «Бердәм Россия» фракциясе әгъзасы, Татарстан Республикасы Дәүләт Советының Социаль сәясәт комитеты рәисе Светлана Захарова сүзләренчә, бу мәсьәләләр бик актуаль. Аеруча ипотека һәм кулланучылар кредитлары.
ТР Дәүләт Советы депутаты шулай ук махсус хәрби операциядә катнашучыларның хезмәт хокукларын яклау буенча тәкъдимнәрнең зарурлыгын ассызыклый. Барлык төбәкләрдә һәм закон чыгаручы органнарда бу инициативалар яклау табыр, дип ышана ул. Светлана Захарова шулай ук 1 июльдә сугыш хәрәкәтләре ветераны көнен билгеләү тәкъдимен хуплавын белдерде.
