Җырчы Гүзәлем Миңнеханова динне сәхнә белән бергә алып баруга карашын әйтте

ТНВ каналында чыгучы "Сөйләшергә вакыт" тапшыруында җырчы Гүзәлем Миңнеханова сәхнә белән динне бергә алып баруга карашын әйтте.  "Әлбәттә, дин һәм сәхнә капма-каршы әйберләр. Ярыймы-ярамыймы икәнен без төгәл җавапны Коръәндә дә тапмадык. Барысы да текстның мәгънәсеннән, нияттән тора. Миңа калса, гадәти тормыш белән яшәгән кешегә катгый рәвештә ябылып, үзен төрле кысаларга куярга ярамый. Тора бара ул үзе дә моны авыр кичерәчәк, янындагы кешеләр дә аңламаячак. Ул әти-әнисе, туганнары, ире, балалары да булырга мөмкин. Күчү әкрен генә булырга тиеш", - дип сөйләде кунагыбыз.  Гүзәлем үзенең репертуарына мөнәҗәтләр кертә башлавын сөйләде. Источник: https://tnv.ru/tat/news/show-business/374773-yrchy-g-z-lem-mi-nekhanova-dinne-s-khn-bel-n-berg-alyp-baruga-karashyn-ytte/