Яшел Үзән районында Сабан туенда тәкә урманга качкан

Туй - тавыш чыгудан башка булмаган кебек, Сабан бәйрәме дә кызыклы хәлләрдән башка узып китә алмый. Быел Яшел Үзәндәге Олы Клүчәдәгесе бигрәк тә гаҗәпләндерде: анда төп бүләккә дип әзерләп куелган сарык урманга йөгереп качкан. Бүген «Татар-информ» порталында шундый яңалык чыкты. Олы Клүчәдә, гадәттәгечә, абсолют батыр һәм авыл хуҗалыры хезмәтчәннәрен данладылар. Монда яшәүчеләр бәйрәмне ел да көтеп ала. Бу юлы 1 200 кеше мәйданга килгән. Иң күп халык, әлбәттә, көрәшчеләрне карарга дип җыелган иде. Мәйдан янында җиңүче батырны төп бүләк - 16 килограмм авырлыктагы сарык та көтеп торган. Ни хикмәт: бәйрәм чаралары башланганчы ук, ул, куып кертелгән урынын җимереп, юк булган. Авыл халкы «бүләкне» җыйнаулашып эзләгән. Һәм тапканнар да. Сарык иректә - үз җаена урманда йөргән. Көрәштә җиңү яулаган баһадир - Гадел Вәлишин кадерле бүләкне яулап алгач, аның иреген «кысмаска» вәгъдә итте. Сарык батырның каралты-курасында, тынычлыкта яшәячәк, дип белдерде ул. Фото: «Татар-информ» Источник: https://tnv.ru/tat/news/tatars-dneasy/326198-yashel-z-n-rayonynda-saban-tuenda-t-k-urmanga-kachkan/