Яшь әни Айсылу Габдинова: "Авырлы хатынга ничек начарлык теләп була икән ул?"

Бу көннәрдә генә җырчы, алып баручы Айсылу Габдинованың Арслан исемле улы туды. Беренче булып, Айсылу бу яңалык белән социаль челтәрләрдә үзенең тамашачысына бүлешкән иде. Кайберләр җырчының бу адымы белән килешмәгән булса кирәк. Әни кеше аларга мөрәҗәгать белән чыкты. «Мин үзем турында яңалыкларны укырга яратам. Бала тапкач, күп кенә пабликлар яңалыкны элделәр. Котлаучылар, матур сүзләр язучылар бик күп, зур рәхмәт сезгә. Әмма сүзем аның турында түгел. Кешеләрдә ничек андый әшәкелек бар икән ул? Минем кешегә начар әйбер язу теләге башымда да булмады. Ә монда авырлы хатын-кыз бит. Йөкле фотома — «Шуннан ни?», «Беренчесенә Арслан, икенчесенә Юлбарс дип кушар инде», «Эче карбыз кадәр, шундый ямьсез», дигән комментарийлар булды. Ничек кешеләрнең шулай язасы килә икән ул?», — дип сөйли Айсылу. «Чын дөресен әйтәм, бу мине бер дә үпкәләтми. Мин моңа өйрәнгән инде, бар кешегә дә ошап бетмәгәнлегемне аңлыйм. Әмма нигә аны авырлы кешегә язарга икән, нигә үзеңдә булган негативыңны башка кешегә чыгарырга?», — ди җырчы. Айсылуны тагын бер тапкыр улы туу белән котлыйбыз — авырган очракта да тиз терелергә язсын. Источник: https://tnv.ru/tat/news/show-business/340261-yash-ni-aysylu-gabdinova-avyrly-khatynga-nichek-nacharlyk-tel-p-bula-ik-n-ul-/ Фото: соц.сети