ЮХИДИ Яңа ел каникулында җәяүле балалар иминлегенә игътибарны арттырачак

Казанда ЮХИДИ хезмәткәрләре Яңа ел каникулы вакытында җәяүле балалар куркынычсызлыгына игътибарны арттырачак. Бу хакта шәһәр Дәүләт автоинспекциясе хәбәр итә.

Быел шәһәрдә 200 һәлакәт булган. Анда бер кыз бала һәлак булган һәм 200 бала төрле җәрәхәтләр алган.

Ведомствода һәлакәтләрнең 10 проценты балаларның гади юл кагыйдәләрен үтәмәве, саксызлыгы аркасында чыкканлыгын әйттеләр.

Балалар белән булган һәлакәтләрнең 50 проценты машина йөртүчеләр гаебе белән килеп чыккан. Алар балаларга юл бирмәгән, тиешле интервалны сакламаган.

“8 гыйнварга кадәр Казан укучыларының кышкы каникулы була. Алар күбрәк урамда, чыршы бәйрәмнәрендә, мәдәни үзәкләрдә ял итә. Яңа ел каникулында инспекторлар җәяүле балалар куркынычсызлыгына игътибарны арттырачак”, - дип сөйләде ЮХИДИ җитәкчесе Игорь Новиков.

ЮХИДИ хезмәткәрләре машина йөртүчеләрдән юлларда игътибарлы булуларын, идарә иткәндә мөмкинлекләрен дөрес бәяләүләрен, ә җәяүлеләрдән урамны тиешле урыннанрдан гына һәм светофорның яшел төсендә генә чыгуларын сорый.

("Татар-информ")