Ток-шоуда кызлар җыены тирән яшерелгән серләрен ачкан

Уникенче марттта "Таяну ноктасы" тапшыруы бәйрәм уңаеннан кызлар җыены оештыра. Ток-шоу үзәгендәге бәхәсле тема "Татар хатыны ниләр күрә?" соравына кайтып кала. Җыендагылар XXI гасырда яшәүче хатын-кызларның төп проблемалары: эчке хис-тойгылары, мәхәббәт, нәфрәт һәм хыянәт турында бәхәсләшәләр. Шулай ук җыен кунаклары матур һәм бәхетле булуга тылсымлы ачкыч эзләп карарга булганнар.

Кызлар җыенында Татарстанның атказанган артисты Лилия Муллагалиева, шагыйрә Ләйлә Дәүләтова, Татарстанның халык артисты Хәмдүнә Тимергалиева, танылган алып баручы Замирә Рәҗәпова, Татарстанның халык артисты Зөлфия Шакирова һәм Татарстанның атказанган артисты, «Зөләйлә” төркеме солисткасы, Тинчурин театры артисткасы Зөлфия Вәлиева катнашалар.

Ток-шоуның алып баручысы Венера Иванова сүзләренә караганда, тапшыру узган атнадагы ир-атлар җыены белән чагыштырганда бик җитди килеп чыккан. Кунаклар хәтта үзләренең эчке серләрен дә ачканнар. Узган бәйрәмнәрдән соң кызлар үз эчләрендә кайнаган барлык борчулы мәсьәләләрне уртага салып сөйләшкәннәр.

Махсус бәйрәм арты чыгарылышын  "ТНВ-Планета" телеканалында 11 нче март 18:00 сәгатьтә, "Татарстан-Яңа Гасыр" телеканалында 12 нче март 16:00 сәгатьтә карап белә аласыз.