ТНВ "Юллар чатында" исемле яңа сериалын Марат Әхмәтовка тәкъдир итте

30 июнь 11:00 сәгатьтә “Ватан 21 гасыр” кинокомпаниясе һәм “Яңа Гасыр” телерадиокомпаниясе төшергән “Юллар чатында” исемле яңа сериал командасы Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе Рәисе Марат Готыф улы Әхмәтов белән очрашты. Шулай ук сериалдан берничә өзек тә күрсәтелде. Источник: https://tnv.ru/tat/news/announcement/329252-tnv-yullar-chatynda-isemle-ya-a-serialyn-marat-khm-tovka-t-kdir-itte/ «Ватан 21 Гасыр» кинокомпаниясе тамашачыларга ягулык салу станциясендә барган тормышчан хәлләр, вакыйгаларны тасвирлаучы яңа сериал җитештерү эшен башлады. Сериалның концепциясе «Татнефть» ягулык салу станциясен күптөрле язмышларның, кызыклы шәхесләрнең очрашу урынына, гел каядыр ашыгучы юлчыларның бераз тукталып фикер туплый торган тынычлык утравына әверелдерә. Бирегә һәркем үз уйлары, проблемалары, дөньяга үзенең карашы һәм үз макстаы белән килә. Очраклы кешеләрнең бер ноктада кисешүе шунысы белән кызыклы да инде. Кыска гына вакыт эчендә АЗСта тулы бер гомер үтә: кешеләр кавышалар да, аерылышалар да, табышалар да, югалалар да. Бу вакыйгалар әлбәттә АЗС хезмәктәрләре каршында барган сәхнә кебек. Алар да үзләреннән ниндидер өлеш кертергә, бер дә таныш булмаган кешеләргә дә ярдәм итәргә торалар. Чөнки үзләренең дә гаиләләре бар һәм алар да шундый ук хисләргә бирелүчән гади адәм балалары. Источник: https://tnv.ru/tat/news/announcement/329252-tnv-yullar-chatynda-isemle-ya-a-serialyn-marat-khm-tovka-t-kdir-itte/ Менә шундый бөтен эше көйлəнгəн, тəртибе үрнəк саналган заманча ягулык салу станциясенə үзəк офистан Ясминә исемле яңа хезмəткəр җибəрəлəр. Станциядə хəрбилəрчə тəртип урнаштырган директор Рим Кимович аптырашта - бу туташны нинди җитешсезлеклəргə ишарə итеп җибəргəннəр?! Ясминә исə килə-килештəн үзенең моңарчы җитəкчелек игътибарсыз калдырган тəкъдимнəрен тормышка ашырырга тотына һəм тиз арада нəтиҗəгə ирешеп барысына да ни дəрəҗəдə булдыклы икəнлеген исбатларга омтыла. Аның юлында көтелмəгəн бердəнбер киртə - шушында ук официант булып эшлүче элекке мəхəббəте Булат. Сүрелеп бетмəгəн хислəре, җитəкченең кырыслыгы белəн көрəшеп, Ясминә шундый үзгəрешлəр башлап җибəрə ки, аларга ияреп бөтен заправка коллективының һəм килүче клиентларның да тормышлары да көтелмəгəн борылышлар ясый. Источник: https://tnv.ru/tat/news/announcement/329252-tnv-yullar-chatynda-isemle-ya-a-serialyn-marat-khm-tovka-t-kdir-itte/ Проектта төп рольләрне Галиасгар Камал теарты актерлары, Татарстанның халык артисты Илдүс Әхмәтҗанов, Татарстанның халык артисты Искәндәр Хәйруллин, Яр Чаллы татар дәүләт драма театры актрисасы Зөлфия Галиуллина һәм Әлмәт татар дәүләт драма театрының әйдәп баручы актерлары Раушан Мөхәммәтҗанов башкара. Марат Әхмәтов «Юллар чатында» сериалы уңышлы булачагына һәм татар телен саклап калуга һәм үстерүгә ярдәм итәчәгенә ышаныч белдерде. “Юллар чатында” сериалының режиссеры – Алмаз Әкбәров. Сценарий авторы - Алмаз Әкбәров, Альберт Шакиров. 20 серияле сериал Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе һәм “Татнефть” хәйрия фонды ярдәме белән гамәлгә ашырыла. Источник: https://tnv.ru/tat/news/announcement/329252-tnv-yullar-chatynda-isemle-ya-a-serialyn-marat-khm-tovka-t-kdir-itte/