Татарстанда сабыйларга нинди исемнәр кушканнар? Раян, Раяз, Севиль һәм Аливия

Узган атнада, 17 июннән  23 июньгә кадәр, Гражданлык хәле актларын теркәү идарәсенең Казан бүлекләрендә 441 бала — 222 малай һәм 219 кыз тууы теркәлгән. Шул ук вакыт аралыгында 268 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 1 150 грамм авырлыкта туган, ә иң зурысы 4 680 грамм тәшкил иткән.

Атнаның иң популяр исемнәр арасында Даниил, Раян, Раяз, Амин, Тимур, Амир, Мирон, Егор, Мәрьям, София, Әминә, Рамина, Асель, Мария, Арина, Аделина, Айлин, Агата, Ева, ә иң сирәк исемнәр -  Рафайель, Серафим, Елисей, Акмаль, Селим, Нил, Добромира, Дениэлла, Алелия, Севиль, Аливия, Эва, Эстелла, Рәйхан, Дания, Амели, Данэлия, Рената, Мия, Азалия, Дэя, Сати, Цирилла.

Фото: pixabay
Источник: https://tnv.ru/tat/news/kazan/399318-tatarstanda-sabyylarga-nindi-isemn-r-kushkannar-rayan-rayaz-sev...