Татарстанда Сабан туйлары башланды: милли бәйрәм Түбән Камада гөрләде

Татарстанда Сабан туйлары башланып китте. Халкыбызның милли бәйрәме ел саен милләттәшләрне, дус, туганны  бер мәйданга җыя, күрештерә. "Зур уңышка һәм муллыкка тырыш хезмәт нәтиҗәсендә ирешелә. Бу инде халкыбызның тормыш фәлсәфәсенә әйләнде", дип билгеләп үтте республика рәисе Сабантуй котлавында.  Рухи мирас һәм бергәлек символы буларак -  Россия халыклары бердәмлеге елында ул аерым бер мәгънәгә ия. Һәм бу - Сабантуй мәйданында ачык чагыла.

Милли бәйрәмебез Түбән Камада гөрләде. Рөстәм Миңнеханов аны шәхсән килеп күрде. Программа бай. Күпсанлы күңел ачу, ярышлар, бәйгеләр, Аударыш та, Мотокросс та. Шулай да бу Сабантуйның - төп үзенчәлеге - Якутлар белән бәйле иде. "Ысыах" ишегалды -халыклар бердәмлегенең ачык чагылышы. Бәйрәмне Гөлназ Сәйфетдинова күзәтте.