Татарстанда контрактта хезмәт итү буенча кайнар линия эшли

Контракт буенча хезмәт итәргә теләүчеләр өчен безнең Республикада 117 кайнар элемтә телефоны эшли. Ул март аенда ачылган иде. Шушы вакыт эчендә 30 мең кеше шалтыраткан. Димәк, колл-үзәк белгечләре меңләгән сорауга җавап биргән. Күпчелекне контрактның шартлары кызыксындыра, күпме акча түләнәчәген белешәләр, шулай ук үзләренә һәм гаиләләре өчен каралган ташламаларны сорыйлар. Контракт төзүгә кагылышлы барлык мәгълүматны белгечләр — махсус булдырылган электрон база аша халыкка җиткерә. Кайбер сорауларга оборона министрлыгы һәм башка ведомстволардан белешеп, җавап кайтаралар. Июнь аеннан 117 кайнар элемтә телефоны аша — өстәмә мәгълүмат бирә башлаганнар. 10 белгеч — кеше контрактка кул куйганчыга кадәр аңа тулысынча ярдәм итә. Контракт буенча хәрби хезмәткә керешү өчен эшне нидән башларга кирәк? Нинди таләпләр бар һәм документка кул куючыларга нинди өстенлек-ташламалар каралган? Хатын-кыз килешү төзи аламы? Контрактка кул куям дисең икән, кая мөрәҗәгать итәсе? Шушы сорауларга ачыклык кертү өчен хәбәрчебез Илдар Сафиуллин контракт буенча хезмәткә сайлап алу пункты белгечләре белән очрашты. Бүген 10: сәгатьтән 22:00 сәгатькә кадәр Татарстанда контракт буенча хәрби хезмәткә ярдәм итү өчен масштаблы патриотик акция старт ала.