Татарстанда бер балага футбол капкасы төшүдә гаепләнүче тренерны хөкем итәчәкләр

Татарстанда тикшерүчеләр 56 яшьлек тренер эшен тәмамлаганнар. Ул 13 яшьлек балага, үзе әзерләгән спорт командасы уенчысына футбол капкасы төшкәнгә гаепле булып табылды. Бу хакта «Татар-информ» Тикшерү комитеты биргән мәгълүматка таянып яза. Бу хәл март азагында Лаеш районындагы балалар лагерендә килеп чыккан иде. Шул вакыттан ук тренерга карата җинаять эше дә ачылды. Чөнки балалар уйнаган кыр футбол өчен әзерләнеп бетмәгән була. 13 яшьлек үсмер авыр хәлдә балалар республика клиник хастаханәсенә озатылган иде. Ул реанимациядә ятты. Анда аның хәлен авыр, тотрыклы, дип бәяләделәр. Яшь спортчының бу күңелсез хәл нәтиҗәсендә сәламәтләгенә зур зыян килде. Тренер балага китергән зыянның бер өлешен каплаган инде. Ул үзенең гаебен тулысынча таныды. Тикшерүчеләр әлеге очрак белән эшләү нәтиҗәсендә җыелган барлык документларны судка тапшырдылар. Тренерга карата ахыргы җәзаны анда билгелиячәкләр. Фото: ТНВ Источник: https://tnv.ru/tat/news/tatarstan/329064-tatarstanda-ber-balaga-futbol-kapkasy-t-sh-d-gaepl-n-che-trenerny-kh-kem-it-ch-kl-r/