Татарстанда аномаль корылык сәбәпле барлык районнарда гадәттән тыш хәл режимы кертелде

Татарстанда аномаль корылык сәбәпле барлык районнарда гадәттән тыш хәл режимы кертелде. Карарны Республика Рәисе Рөстәм Миңнеханов имзалаган. «Республикада игеннәргә кырау төшү, культураларны юк иткән корылык барлыкка килү сәбәпле идарә итү органнары һәм территориаль структураларга гадәттән тыш хәл режимын кертүне боерам. Ул 3 июльдән яңа боерыкка хәтле гамәлдә булачак», - диелә документта. Авыл хуҗалыгы һәм азык-төлек министры 5 көн дәвамында әлеге ситуация китергән кыенлыкларны хәл итү өчен чаралар күрергә тиеш. Муниципаль районнарда да моның өчен махсус комиссияләр булдырылачак, диелә боерыкта. Исегезгә төшерәбез, бу җәйдә корылык кайбер районнарда бөтен иген культураларын юк итте. Фото: pxhere Источник: https://tnv.ru/tat/news/tatarstan/330401-tatarstanda-anomal-korylyk-s-b-ple-barlyk-rayonnarda-gad-tt-n-tysh-kh-l-rezhimy-kertelde/