Татарстанда бер кешедә дә короновирус юк, 235 кешене хәзер тикшерәләр

Ватсапта Татарстанда бер тәүлек эчендә 179 кеше коронавирус йоктырган, ә гомуми авыручылар саны 245гә җиткән, РКБда хәтта 1 кеше үлгән, дигән хәбәр таралды. Бу хәбәргә ачыклык кертү максатыннан без Сәламәтлек саклау министрлыгының матбугат хезмәтенә шалтыраттык.

Миинистрлыкта бу мәгълүматләр дөреслеккә туры килми, дип белдерделәр.

Татарстан Хөкүмәте короновирус сәбәпле, чикләүләрне тагын да катгыйлата. Аерым алганда, хәзер кальяннар да тыела. Мондый карарны санитар-эпидемиология комиссиясе кабул итте. Бу хакта Президентның матбугат хезмәте җитәкчесе Лилия Галимова хәбәр итте.

Кальян тарту барлык урыннарда тыела. Шулай ук төнге клублар эше дә чикләнә. Моннан тыш, транспорт министрлыгы авиакомпанияләр белән Татарстаннан чит илләргә, шул исәптән БДБ илләренә дә рейслар туктату турында сөйләшә. Хәтта чартер рейслар тыелырга мөмкин. Республика хәкимияте шуны да искәртә, чит илдән кайткан һәрбер кеше карантин узарга тиеш.

Риза булмасалар, андыйларга җинаять җаваплылыгы каралган.

Коронавирус сәбәпле, 253 кешене тикшеренүгә җибәргәннәр. Әмма аларны хастаханәгә салырга карар кабул ителмәгән. Бу хакта бүген онлайн узган матбугат очрашуында Президентының матбугат хезмәте җитәкчесе Лилия Галимова хәбәр итте. Аның сүзләренчә, сүз чит илдән катйкан татарстанлылар турында бара. Аларның барысын да тикшерәләр.