Татар эстрадасы артисты тәүге тапкыр әни булачак!

Татар эстрадасының яшь җырчысы, «Ямьле» төркемендә чыгыш ясаган, хәзер Америкада яшәп иҗат итүче Гөлназ Батталова тиздән әни булачак! Сөенечле хәбәрен артист үзенең туган көнендә социаль челтәрдә сөйләде. Гөлназ бер ел элек Американың Нью-Йорк штатында Алекс Набер исемле ир-атка кияүгә чыккан иде. «Безнең тормышыбызда бик зур үзгәрешләр! Без Алекс белән тиздән әти-әни булачакбыз! Сезгә моны туган көнемдә хәбәр итү - минем өчен зур шатлык. Иң олы бүләгем — йөрәк астында!», — дип язып куйган җырчы. Наберлар гаиләсе хәзер Татарстанда. Бу көннәрдә алар Казандагы дуслары белән Гөлназның туган көнен бәйрәм итәләр. Фото: t.me/battalovagulnaz Источник: https://tnv.ru/tat/news/show-business/329341-tatar-estradasy-artisty-t-ge-tapkyr-ni-bulachak/