Рөстәм Миңнеханов Шаляпин фестивален ачачак

Татарстан Президенты Рөстәм Миңнеханов бүген берничә эшлекле очрашу уздырачак, шулай ук Федор Шаляпин исемендәге Халыкара опера фестивален ачу тантанасында катнашачак. Бу хакта «Татар-информ»га ТР Президенты матбугат хезмәтендә хәбәр иттеләр.

Иртән Рөстәм Миңнеханов «ДАШКА» балалар архитектура-дизайн мәктәбенә барачак. Анда ул архитектура нигезләренә башлангыч белем бирү методикасы белән танышачак. Шуннан соң ТР Президенты "Сәйдәш" мәдәният сараена барачак. Анда «Безнең ишегалды» программасы кысаларында комплекслы төзекләндерү буенча белем бирү воркшопының нәтиҗәләрен тәкъдим итәчәкләр.

Презентациядән соң Мәдәният йортында Татарстан Республикасы төзелеш, архитектура һәм торак-коммуналь хуҗалык министрлыгы коллегиясенең 2019 елда эш йомгакларына һәм якын киләчәккә багышланган утырышы булачак. Коллегия эшендә шулай ук РФ Төзелеш министры урынбасары Максим Егоров та катнашыр дип көтелә.

("Татар-информ")