Ришат Фазлыйәхмәтовның элеккеге хатыны "Тәтишка": "Кәләш булып кайтып китә яздым!"

Исегезгә төшерәбез, Ришат һәм Эльмира аерылышырга теләүләре турында хәбәр иткәннәр иде. Фирдүс Тямаев Ришатны да, "Тәтишка"ны да концерт барышында сәхнәгә чакыра һәм татулаштырырга тырыша. Җырчы исә, парга юк-бар өчен талашмаска һәм тату гына яшәргә киңәш бирә. Фирдүс аларны шулкадәр татулаштырырга теләде ки, хәтта Ришат Эльмирага тезләнеп, "Мин сине яратам" диде. "Тәтишка" үзенең социаль челтәрләрдәге битендә бу хәлгә аңлатма биргән. "Концертка эшләргә барган идем, чак кына кәләш булып кайтып китмәдем. Фикерләр белән җыелгач, барысын да сөйләрмен", - дип язган җырчы.  Источник: https://tnv.ru/tat/news/show-business/336383-rishat-fazlyy-khm-tovny-elekkege-khatyny-t-tishka-k-l-sh-bulyp-kaytyp-kit-yazdym-/