Ринат Закиров: Татар конгрессының VI съезды Татарстан Президенты вазифасын саклауны хуплый
"Бөтендөнья татар конгрессы оешуга 25 ел тулу сәбәпле, Башкарма комитетның соңгы биш елда гына түгел, ә узган 25 елда башкарылган эшләренә хисап тотабыз. Дөнья буенча сибелеп яшәүче татарларны төрле мәсьәләләр борчый. Бигрәк тә туган телне саклау мәсьәләсе кискен күтәрелә. Бу һәр доклад, чыгышларда чагылыш таба. Татарстанны тарихи Ватаны буларак күргән татарлар съездда тагын бер мәсьәләдә уртак фикер белдерде. Бу - Россиядә Татарстан Президенты вазифасын саклау турында. Татарларны Татарстанның киләчәге борчый: киләчәктә нинди юлдан барырбыз? Алга таба да милләтебез бары тик үсештә булсын өчен, Татарстан Президенты вазифасын саклауның әһәмиятен кайнар хуплый", - дип сөйләде Ринат Закиров.
Мәгълүм булганча, 2-6 августта уздырыла торган съездның нәтиҗәләре буенча резолюция кабул ителәчәк. Анда татарларны борчыган һәм чишелеш таләп иткән төп мәсьәләләр урын ала. Резолюциянең проектында шулай ук "Татарстан Президенты вазифасы бөтен татар халкының милли мәнфәгатьләрен үз эченә алган һәм республикада югары дәүләт хакимиятен оештыруның уңай формасы булуын күрсәтте", - дип билгеләп үтелгән.
"Делегатлар чыгышларда Татарстан белән Россия хакимиятләре арасында вәкаләтләрне бүлешү турындагы Шартнамәнең киләчәге борчу уятуын да ассызыклады. Татарстанның беренче Президенты Минтимер Шәймиевнең бу уңайдан әйткән фикерләре белән килеште. "Вәкаләтләр бүлешү турындагы Шартнамә үзенең ролен үтәде", - дип белдерде Минтимер Шәймиев үзенең чыгышында. Килешүле мөнәсәбәтләр кору этабы үз ролен үтәде. Катлаулы 90нчы елларда, 2000нче елларда Шартнамә беренче чиратта республиканың хокук мәсьәләләрен хәл итте. Бүген без күрәбез - Татарстан сайлаган үзенчәлекле үсеш юлы Россия үсешенә дә тәэсир итте. Үсешкә хезмәт иткән казанышны болай гына юк итәргә ярамый. Киләчәктә безгә татар халкының милли-мәдәни үзбилгеләнүен саклау мәсьәләсе тирәсендә берләшү мөһим. Татар халкының язмышы шундый: ул дөнья, Россия буенча сибелеп яши. Безгә аларның һәрберсенә барып җитәргә, аларның милли-рухи ихтыяҗларын кәнагатьләндерергә кирәк. Россия Президенты күпмилләтле илебездә татарларның милли ихтыяҗларын кәнагәтьләндерү Росси Хөкүмәтенең дә, Татарстанныкы да дип әйткән иде. Мондый теләктәшлек уңышлы эшчәнлеккә этәргеч бирә. Бүгенге съезд да безнең дөрес юлда булуыбызны күрсәтте. Без Татарстан Президенты белән бергә,
Татарстанда тотрыклы үсешне саклау өчен безне алда бик күп эшләр көтә", - диде Ринат Закиров.
г.Казань, ул. Максима Горького, 15
Используя настоящий сайт, вы обязуетесь выполнять условия данного соглашения.
На настоящем сайте могут демонстрироваться табачные изделия. Курение вредит вашему здоровью. (18+)
Этот сайт использует cookie-файлы, в том числе собираемые системами аналитики «Яндекс.Метрика» и LiveInternet - для сбора и хранения данных в целях улучшения работы сайта и анализа трафика. Подробнее - в Политике cookie и Политике обработки персональных данных.
Настройка cookie
Нужны для работы сайта, безопасности, оформления заказа и сохранения выбранных настроек cookie. Эти файлы нельзя отключить.
Помогают запоминать выбранные настройки сайта: язык, регион, параметры интерфейса и другие удобные функции.
Помогает понимать, как посетители используют сайт, какие страницы открывают и как можно улучшить работу сайта.
Яндекс.Метрика и LiveInternet запускаются только после включения статистики или выбора «Принять все».
Используется для рекламных пикселей, ретаргетинга, оценки эффективности рекламы и персонализации предложений.
