Раяз Фасыйхов: «Кызыбызны югалта яздык»

26 декабря 2018 ТАТАРСТАН ЯҢАЛЫКЛАР

Татар эстрадасы җырчысы, "Болгар радиосы" Милли музыкаль премиясе лауреаты Раяз Фасыйхов "Шәһри Казан" газетасына быелның көзендә булган хәлләрне сөйләгән.

“Быелгы ел узганнарына охшаш булды. Тик бер генә аерма – Казанда сольный концертым булмады. Ни өчен? Чөнки репертуар тиешле дәрәҗәдә тупланып бетелмәгән иде. Бүгенге көндә шуның өстендә эшлибез.

Иң авыр көн – ул 1 октябрь иде. Венераның эче авыртып, хастаханәгә алып киттеләр. Мин ул көнне чыгыш ясый идем, әнисе аның белән барды. Операция таләп ителде. Эшләделәр. Тик аннары наркоздан уянуы авыр булды. Баксаң, балага тиеш наркоз ясалмаган икән. Операциядән соң озак вакытны реанимациядә уздырдык, бик борчылдык. Инде булмас дигән начар уйлар да башка кергән иде... Әмма хәзер бар да яхшы, Аллага шөкер! Ә 1 ноябрь көнне улыбыз егылды. Шулай ук авыр көннәрнең берсе булды. Бу бәлаләрдән соң, 1 декабрьне бик куркып кына каршы алдым...” - дип сөйләгән Раяз "Шәһри Казан"га.