Ниһаять, булды, өйләнделәр! Ришат һәм Алия Төхвәтуллиннарның туй көненнән мизгелләр

Бүген, мөгаен, быелгы җәйнең иң төп, матур көне — эстрадабызның гүзәл пары, җырчылар Ришат Төхвәтуллин һәм Алия Карачуриналарның туй бәйрәме. Бу көнне хәтта социаль челтәрләр дә тантана итә - анда сөю бәйрәме хөкем сөрә. Туй көне бу пар өчен иртә башланды — Ришат сөеклесен әзерләнергә, бизәнергә алып барды. Шунда ул бераз дулкынланган да: «Ничә туйда җырлаган булды, үземнекендә болай дулкынланырмын дип уйламаган идем», — дип уртаклашты егет. Ришат белән Алиянең туйлары ачык һавадагы регистрация үткәрүдән башланды. Башта салмак музыка астына Ришат, ә аннары әтисе белән кәләш кыз да чыкты. Әйтергә кирәк, кияү дә, кыз да ап-ак киемнәрдән иде. Ә инде төп мәҗлес эчтә - тантана залында узды. Бәйрәмне популяр алып баручылар — Гөлназ Сәфәрова һәм Айрат Ильясов үткәрде. Әйтергә кирәк, җырчыларны котларга дип аларның сәхнәдәге хезмәттәшләре дә күп килгән иде: Винера Ганеева, Әнвәр Нургалиев, Марат Яруллин, Раяз Фасыйхов, Марат Галимов, Марат Мухин да фото-видеолар урнаштырды. Фото: соцсети Источник: https://tnv.ru/tat/news/show-business/327950-ni-ayat-buldy-yl-ndel-r-rishat-m-aliya-t-khv-tullinnarny-tuy-k-nenn-n-mizgell-r-/