Морозов, Овечкин, Ковальчук һәм башка йолдызлар Казанда Данис Зариповның хушлашу матчында катнашачак

9 август көнне 19:00 сәгатьтә «Татнефть арена» бозында өч тапкыр дөнья чемпионы һәм биш тапкыр Гагарин Кубогы иясе Данис Зариповның хушлашу матчы була. Бу хакта "Ак Барс" матбугат хезмәте хәбәр итә. «Россия җыелмасы» – «Ак Барс» уенында һөҗүмченең элеккеге партнерлары һәм тренерлары катнашачак. Алар арасында Алексей Морозов, Сергей Зиновьев, Александр Радулов, Александр Овечкин, Павел Дацюк, Илья Ковальчук, Евгений Кузнецов, Александр Сёмин, Евгений Медведев, Алексей Чупин, Вадим Епанчинцев, Кирилл Петров, Артём Лукоянов, Александр Бурмистров, Зиннәтулла Билалетдинов, Илья Воробьёв һәм башкалар булачак. Матч башланыр алдыннан Россия хоккее һәм Татарстан Республикасы җитәкчеләре катнашында Зариповны хөрмәтләү тантанасы узачак. Җанатарлар матчка билетлар алып керә алачаклар. Фото: "Ак Барс" Источник: https://tnv.ru/tat/news/sport/332917-morozov-ovechkin-kovalchuk-m-bashka-yoldyzlar-kazanda-danis-zaripovny-khushlashu-matchynda-katnashach/