Михаил Бабич һәм Рөстәм Миңнеханов Казанда күпфункцияле үзәктә булды
Россия Президентының Идел буе Тулы вәкаләтле вәкиле Михаил Бабич эшлекле сәфәр белән Казанга килде. Татарстан Республикасы Президенты озатуында ул Ямашев проспектындагы күпфункцияле үзәкләрнең берсендә булды.
Россия Президентының Идел буе Тулы вәкаләтле вәкиле үзәкнең операция залын карады. Күпфункцияле үзәк директоры биредә 17 тәрәзә эшләвен, тулаем республика буенча 50 филиал, яки 63 офис булуын җиткерде, аларның барлык муниципаль районнарны һәм Татарстан округы шәһәрләрен туплаганын әйтеп китте. 292 тәрәзә читтән торып 281 авыл җирлегендә ачылган.
Күпфункцияле үзәк хөкүмәт органнары хезмәтләренең шактый өлешен башкара: Росреестр, Кадастр палатасы, Суд приставлары федераль хезмәте, Роспотребнадзор, Миграция хезмәте, Пенсия фонды, ЭЭМ, ЗАГС һәм башкалар. Күпфункцияле үзәк башкаручы хезмәтләр саны башкарылган эшләр саны кебек ел саен үсә. 2015 елда, статистикадан күренгәнчә, 1 млн 800 мең мөрәҗәгать теркәлгән булса, 2016 елда инде алар саны 2 млн 697 меңгә җиткән.
Тагын мөһим ягы шунда, бетерелүче структура персоналлары яңа төзелгән күпфункцияле үзәкләргә эшкә урнашып бара.
