Киемнәрендә энә тапкан Марат Яруллин: "Бу хәл инде бер ел кабатлана"

Эстрадабызның яшь һәм популяр артисты Марат Яруллин үзенең телеграм каналында сәер видео урнаштырды. Җырчы бер ел дәвамында үзенең киемнәрендә энәләр таба икән. «Белмим нәрсәгә шулай эшлиләрдер инде. Яхшыга түгелдер бу. Ел дәвамында үз киемнәремдә энәләр табам. Алар костюмнарда да, ноутбук букчасында да буларга мөмкин. Кайсыгызның андый очраклар булганы булды? Нишләдегез?», — дип яза Марат. Комментарий язучылар, нигездә, гаҗәпләнә. Араларында «Дога укып ташла», «Бу синең якыннарыңның берседер әле», «Күмеп куй» дип язучылар һәм киңәш бирүчеләр бар.