Кемнәр очкычтан файдалана алмыячак?

Дәүләт Думасының транспорт буенча комитеты Россия Һава кодексына төзәтмәләр әзерләгән. Анда өч елга очыш ясау хокукыннан мәхрүм ителгән “затларның бердәм Реестрын” булдырырга тәкъдим ителә. Бу хакта Коммерсантъ яза. Исемлеккә бортта “башка затларның тормышына һәм сәламәтлегенә” яисә “очышның иминлегенә куркыныч тудырган" гражданнар турында белешмәне кертү каралган. Әгәр бу кеше дәваланырга барса яисә туганнарын җирләргә кайта торган булса, шулай ук инвалидны озата барса, Россиягә бары очкыч белән кайтып була торган илләрдән кайткан очракта гына аңа очыш ясарга рөхсәт ителәчәк. Төзәтмәләр проекты Дәүләт Думасы комитеты тарафыннан гражданлык законнарын кодификацияләү һәм камилләштерү буенча Президент Советына җибәрелгән.