Казанда махсус хәрби операциядә катнашучыларга һәм аларның гаилә әгъзаларына эшкә урнашырга ярдәм итәчәкләр

Казанның Киров һәм Мәскәү районнары буенча Халыкны эш белән тәэмин итү үзәге бүлегендә вакантлы эш урыннары ярминкәсе узачак. Чарага махсус хәрби операциядә катнашучыларны һәм аларның гаилә әгъзаларын чакыралар, дип яза шәһәр мэриясе матбугат хезмәте. Шәһәрлеләр предприятиеләрнең кадрлар хезмәтләре вәкилләре белән очраша, актуаль вакансияләр турында белә (шул исәптән компьютер мәгълүмат базасыннан), эшкә урнашу өчен юнәлеш ала алачак. Белгечләр казанлыларга хезмәт һәм мәшгульлек, һөнәри белем бирү, һөнәри юнәлеш бирү һәм үз эшләрен ачу мәсьәләләре буенча консультация бирәчәк. Вакансияләр ярминкәсе 25 гыйнварда 10:00 дән 12:00 гә кадәр узачак.  Фото: kzn.ru Источник: https://tnv.ru/tat/news/kazan/369310-kazanda-makhsus-kh-rbi-operatsiyad-katnashuchylarga-m-alarny-gail-gzalaryna-eshk-urnashyrga-yard-m-i/