«Казан Экспо» үзәгендә XII Республикакүләм ифтарны уздырган вакытта куркынычсызлык чараларын көчәйтәләр

29 мартта «Казан Экспо» Халыкара күргәзмә үзәгендә XII Республикакүләм ифтар узачак. «Казан Экспо» Халыкара күргәзмә үзәгендә чараларны оештырганда куркынычсызлыкны тәэмин итү мәсьәләләре өстенлекле характер ала. Техник җиһазлау күзлегеннән караганда, комплекста заманча видеокүзәтү системалары, аркалы металлодетекторлар, рентген-телевизион җайланмалар эшли. Белдерү ясау, сигнализация, янгын сүндерү системалары расланган тәртипләр буенча тикшерелеп тора. «Казань Экспо» үзәгендә берничә тапкыр төрле хезмәтләр һәм ведомстволар үзләренең команда-штаб укуларын уздырды һәм үзара багланышларның тәртибен тикшереп карады. Фото: dumrt.ru Источник: https://tnv.ru/tat/news/dean/381503-kazan-ekspo-z-gend-xii-respublikak-l-m-iftarny-uzdyrgan-vakytta-kurkynychsyzlyk-charalaryn-k-ch-yt-l/