Кайбыч районында махсус хәрби операциядә һәлак булган Рамил Тимершин белән хушлаштылар

Кичә Кайбыч районы Борындык авылында махсус хәрби операция зонасында һәлак булган Рамил Тимершинны соңгы юлга озаттылар. Бу хакта "Кайбыч таңнары" хәбәр итә. Рамил Тимершин 1994 елның 18 сентябрендә туган. Урта мәктәпне тәмамлагач Казан дәүләт аграр университетында инженер-механик һөнәрен үзләштергән. Гаилә корган, хатыны Гүзәл белән уллары Илзатны үстергәннәр, хәзер аңа 2 яшь. Украинага хәрби операциягә мобилизацияләнгәнче Казан шәһәрендәге Пассажирлар йөртүче автотранспорт предприятиесендә механик булып эшләгән. 2022 елның сентябрендә Ватанны сакларга китә. Геройны соңгы юлга озатырга Казаннан хәрби каравыл, хәрби тынлы оркестр кайткан. Фото: kaibicy.ru Источник: https://tnv.ru/tat/news/tatarstan/382835-kaybych-rayonynda-makhsus-kh-rbi-operatsiyad-lak-bulgan-ramil-timershin-bel-n-khushlashtylar/