Күңел кылларын уята һәм тибрәтә торган проект: Әлмәттә борынгы уен коралларын халкыбызга кайтаралар | Адымнар

Без асылларыбызны, борынгыдан күчеп килгән мирасны саклыйбыз дибез икән, халкыбызның тарихын тирәнтен беләбезме? Гади бер мисал: бүген күпчелек - татарның уен коралы дип, гармун белән баянны гына саный. Башкаларын кабул да итми. Гәрчә татар думбрада да, дәфтә дә, курайда да уйнаган. Алар әле гармунга кадәр булган. Гармун шушы тарихны безнең чынбарлыктан этеп чыгарган күрәсең.

Ахыргы 5 елда шушы билгесез этник, музыкаль, рухи мирасыбызны таныту өчен Әлмәттә зур хезмәт куела. "Татнефть" җитәкчесе Наил Маганов башлангычы белән Республикада яшәүче халыкларның җыр-моң тарихы өйрәнелә, яңартыла, популярлаштырыла. Республикада калмаган уен коралларын башка төбәк, чит илләрдән табып кайтарталар, аларга карап, яңаларын ясыйлар. Экспедициягә чыгып, җуелган җырлар, көйләр - уникаль фонд туплана. Әлеге проектның эчке фәлсәфәсе бар - башта мохит булдырыла һәм аңа һәвәскәр иҗатчылар тартыла.

Быел Наил Маганов җитәкчелегендәге иҗат төркеме Габдулла Тукай премиясенә дәгъва кыла. Аларның милли традицияләрне саклауга керткән өлеше турында Рузәл Шәрипов.